¿Qué ho/ne (jeje)?
Lo primero daos les gracies a toos y toes pol esfuerzu, l’empeñu, el ciñu, l’amabilidá… y toes eses coses qu’hubo nes xornaes, de verdá, prestáronme un montón y deprendí “dos montones” polo menos.
Eché de menos la presencia de la xente del centru, de les cuenques, del oriente (taba Rebeca, con un criteriu bien válidu, pero yera una representación escasa, una pena…) y de Galiza (polo menos de Lugo, ¿non?) y tamién la presencia de la xente nuevo de la escuela rural. Casi too yera xente de la vuesa xeneración ¿Ónde taben?
Otra cosa, ¿nun habría manera de facer les X Xornaes d’Escuela Rural pel centru o nel oriente pa qu’implicare a tolos CRA’s d’Asturies? Si lu facéis n’escueles del centru o nel oriente, van vese casi obligaos a participar, ¿non? Son idees… Nun sé…
Otra de les coses qu’eché de menos, fue la presencia de la nuesa y de la vuesa llingua (de les dos). Nun apaecía por nengún sitiu, nin siquiera como ferramienta de comunicación, ya nun digo como tema d’alderique ¿Nun puen tener más presencia na cartelería, nes presentaciones de los ponentes, nes intervenciones de la xente que la fala…? Nun sé, ye qu’eso xeneróme munches dúbides, porque paezme un pegoyu pal desendolcu de l’aprendizaxe na zona rural (que ye onde más presente sigue a pesar de la represión). Podría facese dalguna ponencia sobre la influencia de la represión llingüística (mui presente nel gobiernu asturianu) y les problemátiques que-yos xenera a los neños y a les neñes el ser escolarizaos nuna llingua diferente a la materna. Esti tema debiere ser importante en xornaes que vengan, ¿non?
Bueno pues eso… Son les mios aportaciones a un seminariu que me prestó asgaya, así que espero poder tar nel próximu, ¿vale?
Un abrazu bien grande y gracies por too.
Jandro
